«5 минут» кәмпит ұрлаған келіншекті сотқа берді

АСТАНА. ҚазАқпарат - Аталған оқиға өткен жылдың қараша айында болды. Бүгін Астана қаласының Есіл аудандық соты осы іске қатысты үкім шығарды, деп xабарлайды ҚазАқпарат тілшісі.

Сот материалдарына сәйкес, Д. есімді келіншек "5 минут" супермаркетінен 17 бірдей кәмпит қорабын ұрламақшы болған. Алайда күзет қызметі оны қолға түсірді.

"Астана қаласының Есіл аудандық №2 сотының үкімімен Д. ҚР Қылмыстық кодексінің 24-бабы, 3-188 тармағы бойынша кінәлі деп танылып, бас бостандығын бір жылға шектеу жазасына кесілді. Сот үкімі күшіне енді", - делінген соттың ресми xабарламасында.