4 наурызда «Astana Arlans-China Dragons» кездесуі тікелей эфирде көрсетіледі

АСТАНА. ҚазАқпарат - 4 наурыз күні «Хабар» арнасынан «Astana Arlans-China Dragons» кездесуі тікелей эфирде көрсетіледі, деп хабарлайды ҚазАқпарат телеарна сайтына сілтемемен.

«Astana Arlans» Бүкіләлемдік бокс сериясының 7-маусымында да өнер көрсетпек. 4 наурыз күні олар Атырау қаласында азулы қарсыластары - China Dragons командасын қабылдамақ. Елдің ең мықты бес былғары қолғап шебері өнер көрсететін бокс кешін «Хабар» арнасынан 18:25-21:00 аралығында тамашалаңыздар», делінген хабарламада.