25 наурызда ел аумағының басым бөлігінде жел күшейіп, тұман түседі

АСТАНА. ҚазАқпарат - Атмосфералық ағындардың өтуіне байланысты республиканың батыс, оңтүстік-шығыс, шығыс және оңтүстік аймақтарының кей жерлерінде жауын-шашын болады.

 Сондай-ақ кей жерлерде тұман түсіп, желдің күшеюі сақталады, ал батыста жаяу бұрқасын, оңтүстіктің кей жерлерде шаңды дауыл көтеріледі, деп хабарлайды Қазгидромет.

Жамбыл облысында жел 15-20, екпіні 23 м/с күшейеді, кей жерлерінде  тұман түсуі ықтимал. Қызылорда облысының кей жерлерінде желдің жылдамдығы 15-20, екпіні 25 м/с күшейіп, шаңды дауыл соғады.

Оңтүстік Қазақстан облысының кей жерлерінде жел тұрып, 15-20 м/с жетеді, кей жерлерінде найзағай жарқылдайды.

Батыс Қазақстан облысының кей жерлерінде жел 15-20 м/с күшейіп, кей жерлерінде тұман, көктайғақ болады.

Ақтөбе облысының кей жерлерінде жел 15-20 м/с күшейіп, жаяу бұрқасын болады, кей жерлерінде көктайғақ.

Түнде Алматы облысының кей жерлерінде тұман күтіледі, күндіз кей жерлерінде жел 15-20 м/с күшейеді.

Қарағанды облысының кей жерлерінде жел 15-20 м/с күшейіп, түнде және таңертең кей жерлерінде тұман түседі.

Түнде және таңертең Атырау, Ақмола, Шығыс Қазақстан облыстарының кей жерлерінде тұман болуы мүмкін.

Маңғыстау, Павлодар, Солтүстік Қазақстан облыстарының да кей жерлерінде тұман түседі.