24 сәуір күні Қазақстанда өтетін маңызды оқиғаларға шолу
АСТАНА
09.00-де Бас прокуратура жанындағы Құқық қорғау органдары академиясында Батыс және Орталық Азия сарапшыларының өңірлік кездесуі өтеді.
Салтанат сарайында 9.00-де «Шипажай - 2018» үшінші халықаралық ғылыми-практикалық форумы басталады.
09.30-да The Ritz Carlton қонақ үйінде заң саласы бойынша Англия, Уэльс және Қазақстан сарапшылары қатысатын ағылшын құқығы туралы конференция өтеді.
10.00-де «Үкімет үйінде» Үкіметтің кезекті отырысы басталады.
10.30-да «Назарбаев орталығында» ҚР Тұңғыш Президенті - Елбасы Қоры жанындағы Әлемдік экономика және саясат институты «100 жаңа оқулық: тіл мен ғылыми-білім беру жүйесінің жаңғыруы» тақырыбында дөңгелек үстел өткізеді.
11.00-де Ақордада ҚР Мемлекеттік хатшысы Гүошара Әбдіқалықова Ресей Федерациясының Қазақстандағы Төтенше және Өкілетті Елшісі Алексей Бородавкинмен кездеседі.
11.00-де ҚР Тұңғыш Президенті - Елбасы кітапханасында «Президенттік институты - Қазақстан Республикасының саяси жүйесін жаңғыртудың негізі» тақырыбында дөңгелек үстел өтеді.
14.30-да Мәжілісте «Трансшекаралық өзендердегі су ресурстарын пайдалану және бақылау жағдайы» тақырыбында дөңгелек үстел өтеді.
15.00-де ҚР Денсаулық сақтау министрлігі Қоғамдық денсаулық сақтау комитетінде Бүкіләлемдік иммундау апталығына арналған брифинг басталады.
15.00-де елорданың 20 жылдығына арналған «Астана-мәнгілік елдің темірқазығы» атты жас астаналық ақындардың айтысы өтеді.
17.00-де Елбасы кітапханасының мұражайында «Тәуелсіздік таңында» экспозициясы ашылады.
АЛМАТЫ
09.00-де Қазақстандағы сирек кездесетін балалар ауруын емдеудің жаңа стандарттарын енгізу бойынша 2017-2019 жылдарға арналған Жол картасы аясында ғылыми-практикалық конференция басталады.
10.00-де Достық үйінде «Қазақстан халқының бірлік күнін» тойлауға арналған дөңгелек үстел бсталады.
11.00-де Өңірлік коммуникациялар қызметінде «БЖЗҚ» АҚ қызметінің 2017 жылғы қорытындысы және 2018 жылға арналған негізгі жұмыс бағыттары» атты брифинг өтеді.
12.00-де Алматыдағы Польшаның Бас консулдығында Польша Тәуелсіздігінің қалпына келуіне 100 жыл толуына орай бекітілген «Польша күндері» туралы баспасөз конференциясы басталады.
17.00-де «Қазақстан» қонақ үйінде «Онлайн-несиелеу: артықшылықтары мен кемшіліктері» тақырыбында дөңгелек үстел басталады.
ОҢТҮСТІК ҚАЗАҚСТАН ОБЛЫСЫ
Отырар ауданына журналистер үшін пресс-тур ұйымдастырылады. Онда тілшілер аудандағы бірқатар әлеуметтік және тарихи нысандарды аралап, ауыл шаруашылығы саласында атқарылған жұмыстармен танысады.
ҚОСТАНАЙ ОБЛЫСЫ
09.30-да Мемлекет басшысының «Төртінші өнеркәсіптік революция жағдайындағы дамудың жаңа мүмкіндіктері» жолдауы аясында өзін-өзі жұмыспен қамтығандар қызметін ресмилендіру мәселелері бойынша Сенаттың Әлеуметтік-мәдени даму және ғылым комитетінің Қостанай облысындағы көшпелі отырысы басталады.
16.00-де Сенаттың Әлеуметтік-мәдени даму және ғылым комитеті А. Байтұрсынов атындағы Қостанай мемлекеттік университетінің оқытушыларымен және студенттерімен кездеседі.
15.00-де Өңірлік коммуникациялар қызметінде Ұлттық банктің Қостанай филиалының директоры Жомарт Қажырахымовтың қатысуымен брифинг басталады.
ШЫҒЫС ҚАЗАҚСТАН ОБЛЫСЫ
10. 00-де Оқушылар мен техникалық және бейіндік білім беру ұйымдарының студенттері арасында облыстық бизнес-жобалар байқауы өтеді.
14.00-де Шығыс Қазақстан өнер музейінде «Рухани жаңғыру» бағдарламасы аясында балалар шығармашылы байқау-көрмесі ашылады.
АҚМОЛА ОБЛЫСЫ
15.00-де Өңірлік коммуникациялар қызметінің алаңында «100 нақты қадам» Ұлт жоспарын жүзеге асыру барысы туралы. 83 қадам: Еңбек қарым-қатынасын ырықтандыру» тақырыбында Ақмола облысы еңбек инспекциясы жөніндегі басқарма басшысы Берік Мұстафиннің қатысуымен брифинг өтетін болады.
АҚТӨБЕ ОБЛЫСЫ
11.00-де Ақтөбе облысының Өңірлік коммуникациялар қызметі алаңында «Аймақтың көліктік әлеуетін кеңейту: жоспарлар және іске асыру» тақырыбында баспасөз конференциясы өтеді.