23 қазан күні Қазақстанның басым аумағында қар жауады

АСТАНА. ҚазАқпарат - Атмосфералық ағымдардың өтуіне байланысты қазанның 23-і күні Қазақстанның басым бөлігінде қар жауады, деп хабарлайды ҚазАқпарат «Қазгидромет» мәліметтеріне сүйене отырып.

Елдің тек оңтүстігі мен батысында ғана қар жаумайды. Кей жерлерде тұман түсіп, желдің күші секундына 15-20 метрге жетеді,

Алматы, Жамбыл облыстарының кей жерлерінде тұман түсіп, көктайғақ болады. Алматы облысында желдің күші 15-20 метрге жетеді.

Оңтүстік Қазақстан облысында таңертең және күндіз кей жерлерде желдің күші секундына 15-20 метр болады.

Ақмола, Қызылорда, Қостанай, Солтүстік Қазақстан, Павлодар, Қарағанды, Шығыс Қазақстан облыстарының бірқатар аймақтарында тұман түседі.

Күндіз Маңғыстау, Атырау облыстарында желдің күші 15-20 м/с болады.