05:39, 22 Қаңтар 2017 | GMT +6
21 жастағы экскаватор машинисі «Қазақстан дауысы» шоуының жеңімпазы атанды
АСТАНА. ҚазАқпарат - Рудныйлық (Қостанай облысы) Дінмұхаммед Дәулетов көрермендердің дауыс беруі арқылы «Қазақстан дауысы» шоуының жеңімпазы атанды, деп хабарлайды Qostanay.TV.
21 жастағы Дәулетов Астанада тұрғанымен, Рудный қаласының тумасы. Төрешілердің айтуынша оның дауысы - ерекше. Басылымның мәліметінше, Дінмұхаммедтің мамандығы - машинист. Тау-кен байыту комбинатында үлкен-үлкен техникаларды жөндеумен айналысқан.
«Қазақстан дауысы» және "Х-Фактор" шоуларына қатысқаннан кейін Дінмұхаммед Дәулетовтың өмірі түбегейлі өзгеріп сала берген. Ол қазір ресторандарда ән шырқап жүр.
Еске сала кетейік, жоба бойынша жеңімпазға 7 млн. теңге сыйақы беріледі.