Қолданушы баптаулары
Қолданушы баптаулары
+7 (701) 759 90 19 Лента
Астана: -21 °С
Алматы: -2 °С
USD 319.65 EUR 393.33
RUB 5.67 CNY 50.47
Жаңалықтар

2018 жылы биткоинның күйреуі, юаньнің күшеюі болжанады

2017 жылғы 8 желтоқсан 09:29 1297
Бөлісіңіз:
2018 жылы биткоинның күйреуі, юаньнің күшеюі болжанады

АСТАНА. ҚазАқпарат -Даниялық Saxo Bank инвестбанкі 2018 жылға арналған «Таңқалдырарлық жорамалдар» есебін жариялады, деп жазады ВВС.

Даниялық банк 15 жылдық дәстүр бойынша ықтималдығы бағаланбайтын негізгі оқиғалардың бір парасын жариялады. Олардың арасында биткоинның күйреуі, ұжымдық феминиз рәсімі, Apple-дың әлсіреуі сияқты болжамдар бар.

Өз кезегінде, Saxo Bank «таңқалдырарлық жорамалдардың» - болжам емес, тек жағымсыз жағдайлардан ескерту ғана екендігін атап өтті.

Saxo Bank-тің баяндамасында, биткоин құнының 2018 жылы бірден түсіп кетуі мүмкін екендігі айтылады. Сарапшылар Ресей мен Қытай криптовалютаға тыйым салғаннан кейін сала күйрейтінін айтуда.

«Биткоин 60 мың долларға жетіп, кейін 1000 долларға дейін құлауы мүмкін», делінген баяндамада.

Сондай-ақ, 2018 жылы әйел-басшылардың саны артады. Fortune 500 бас директорлар тізіміндегі әйелдер саны екі есе өседі, делінген зерттеуде.

Есепке сәйкес, 2018 жылы мұнай саласындағы мәмілелерде юаньнің рөлі айтарлықтай күшейеді. Әлемдегі мұнай импортшылары мен шикізат өндірушілер юань арқылы есеп айырысуы мүмкін.

Алдағы жылда Apple әлемдегі ең ірі компания атағынан айырылуы мүмкін. Saxo Bank-нің айтуынша, Қытайдың интернет-гиганты Tencent-ның капитализациялануы 2018 жылы екі есеге өсіп, нарықтық құн бойынша Apple-ді басып озбақ,

2018 жылы ақшаның құнсыздануы мен құнды қағаздар бойынша табыс салдарынан Жапонияның ұлттық валютасы долларға шаққанда құнсыздануы мүмкін.

Айта кетейік, бұл зерттеуде қаржыгерлер көптеген адамдардың оқиғаның ықтималдығын 1% деп бағалауы, бірақ ол оқиғалардың орын алу ықтималдығы 10%-ға жуықтайтын оқиғалар туралы баяндалады.

 

 


Басты сөздер: Әлем,
Бөлісіңіз:

Автор:

Қанат Мәметқазыұлы

Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат