2017 жылы Қазақстанда алтын өндіру 13,8%-ға артты

АСТАНА. ҚазАқпарат - Қазақстанда 2017 жылғы қаңтар-желтоқсан айларында өңделмеген және жартылай өңделген немесе ұнтақ түріндегі алтын өндірісі 85 029 келіге жетті. Бұл 2016 жылмен салыстырғанда 13,8%-ға көп, деп хабарлайды «ҚазАқпарат» ХАА.

ҚР Ұлттық экономика министрлігі Статистика комитетінің ақпаратына сүйенсек, есепті кезеңде өңделмеген және жартылай өңделген немесе ұнтақ түріндегі күміс өндіру көлемі былтырғыға қарағанда 10,8%-ға қысқарып, 1 058 605 келіні құрады.