Ауа райы
Астана 10 °С
Алматы 14 °С
валюта бағамы
USD 340.95
EUR 408.73
RUB 5.87
CNY 51.80

200-ге жуық қостанайлық жас «Рухани жаңғыру» логотипін бейнеледі

200-ге жуық қостанайлық жас «Рухани жаңғыру» логотипін бейнеледі
2017 жылғы 17 қыркүйек 04:21 272

ҚОСТАНАЙ. ҚазАқпарат - А.Байтұрсынов атындағы Қостанай мемлекеттік университеті алаңына өңірдің жоғары оқу орындары мен колледждерінен 200-ге жуық студент жиылды. Оларға Жастар ресурсы орталығының еріктілері де қосылды, деп хабарлайды ҚазАқпарат.

Қатысушылар би билеу барысында сапқа тізіліп, «Рухани жаңғыру» логотипін бейнеледі. Жастар ресурсы орталығының жетекшісі Айгүл Абдуллинаның айтуынша, Қостанай жастары бұл флешмоб арқылы Елбасының «Болашаққа бағдар: рухани жаңғыру» бағдарламалық мақаласын қолдайтынын жеткізгісі келді.

«Осындай шаралар жастарды біріктіре түседі және бойларына патриоттық сезім ұялатады. Біз бес түсті жейде киген жастардың би қимылдары арқылы  «Рухани жаңғыру» логотипін бейнелеп, одан соң «Қостанай» жазуын көрсеттік», - деді орталық жетекшісі.

Флешмоб квадрокоптердің көмегімен биіктіктен түсірілді.

Батыр Жолайұлы

 

Басты сөздер: Қостанай облысы, Рухани жаңғыру, Туған жер, Аймақ,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер