20-дан астам қазақстандық компания Ұланбатырдағы сауда миссиясына қатысты
Шараны ҚР Инвестициялар және даму министрлігінің «KAZNEX INVEST» экспорт және инвестициялар жөніндегі ұлттық агенттігі» АҚ және Моңғолия Ұлттық сауда-өнеркәсіптік палатасы Моңғолиядағы ҚР Елшілігінің қолдауымен ұйымдастырды.
«Біз бұл шараны екі ел арасындағы ынтымақтастықты B2B форматында (business-to-business - ред. авт.) дамытудың тиімді механизмі ретінде қарастырудамыз. Негізгі мақсат - екі елдің шағын және орта бизнес өкілдері арасында тығыз іскерлік байланыстар орнату және экспортталатын қазақстандық өнімдерді Моңғолия нарықтарында жүзеге асыру мүмкіндіктерін іздеу», - деді Моңғолиядағы Қазақстан елшісі Қалыбек Қобландин ҚазАқпарат тілшісімен сұхбатта.
Оның айтуынша, сауда миссиясы алаңдарында қазақстандық кәсіпкерлер Моңғолия мемлекеттік органдары өкілдерімен кездесу өткізді және екі ел арасындағы сауда-экономикалық және инвестициялық ынтымақтастықтың кеңейту мүмкіндіктерін талқылады.