Ауа райы
Астана 9 °С
Алматы 26 °С
валюта бағамы
USD 340.35
EUR 405.46
RUB 5.87
CNY 51.64

2-сынып оқушысы «Зейнеткерлік туралы» заңнан не білуі керек

2-сынып оқушысы «Зейнеткерлік туралы» заңнан не білуі керек
2017 жылғы 11 қаңтар 12:04 4593

АСТАНА. ҚазАқпарат - Қазақстанның жалпы білім беретін 11 жылдық мектептерінің 2-сыныбына арналған «Әдебиеттік оқу» пәні бойынша оқу-әдістемелік кешенінде «Зейнеткерлік туралы» заңға қатысты тапсырма жүр. «ҚазАқпарат» редакциясына жүгінген ата-аналар 2-сынып оқушысы үшін мұндай тапсырманың қандай қажеті бар деген мәселе көтеріп, өз наразылықтарын білдірді.

Кітап «Алматыкітап баспасы» ЖШС-нан шыққан. Авторлары  Ботагүл Тұрғынбаева мен Зубайда Мүфтибекова. Редакторы  Ә.Б.Орынбаева деп көрсетілген.

Кітаптың 96-шы бетіндегі тапсырмада 2-сынып оқушысына «Зейнеткерлік туралы заңнан не білемін?» тақырыбында білетініңді тізбелеп жаз»  деген тапсырма берілген. Енді мұндай тапсырмаға  оқушылар түгілі ата-аналардың өздері аң-таң.


2-сынып оқушысы «Зейнеткерлік туралы» заңнан не білуі керек  

«2-сынып оқушысы «Зейнеткерлік туралы» заңнан не біледі? Жалпы, 2-сынып оқушысы заң туралы нені білуі қажет? Бұл тапсырманы әрине балалар үлкендерге ғана орындата алады, әйтпесе, мектептің 2-сыныбына жаңа барған оқушы ешқандай заңды білмейді. Тапсырмасы дұрыс емес. Оқушыны былай қойыңыз ол заңды көпшілік ата-ананың өздері де жарытып біле бермейді емес пе?!», - дейді кітаптың суретін қоса жіберген астаналық ата-аналар.

«ҚазАқпарат» тілшісі кітап авторлары мен «Алматы кітап» баспасына, сонымен қатар,  Білім және ғылым министрлігінің тиісті мамандарына ресми сауал жолдайды.


2-сынып оқушысы «Зейнеткерлік туралы» заңнан не білуі керек 
2-сынып оқушысы «Зейнеткерлік туралы» заңнан не білуі керек 
2-сынып оқушысы «Зейнеткерлік туралы» заңнан не білуі керек  

 

 

Басты сөздер: Зейнетақы жүйесі, Білім, ҚР Білім және ғылым министрлігі,
Қате таптыңыз ба? Белгілеп, CTRL+ENTER басыңыз

Пiкiрлер

  • 11.01.2017Айбарыс
    2
    Қаза берсең шыға береді. Бұларды бір ретке келтіретін адам бар ма?
  • 12.01.2017Қайрат Нұр
    0
    Зейнеткерлік туралы заңнан не түсінетінін 2-сынып оқушысы тұрмақ, сол тапсырманы беріп отырған мұғалім түсіне ме екен? Дурдом! 2-сыныпта бала Отан, Қазақстан, Ата-ана, елім жерім, қоршаған орта дегенді меңгермей ме?
  • 12.01.2017Гульмира
    0
    Баланың ата-анасының өзі зейнеткер емес, ол туралы заңды да білмейді. Неге мұндай оқулықтар шығарылады? Сабақты қазіргі кезде бала емес, ата-ана оқып отырады, не масқара?Бұл ақырыпты көтеру керек.
  • 13.01.2017Ақбатыр
    0
    Білім министрлігі бұған жауап берсін! Бұл не деген сұмдық?

Пікір қалдыру

Соңғы Пiкiрлер