18 қарашада Қазақстанның басым бөлігінде жауын-шашын болып, жел күшейеді
Бұл туралы ҚР ІІМ ТЖК баспасөз қызметі хабарлайды.
Жамбыл облысының кей жерлерінде тұман, көктайғақ болады, желдің жылдамдығы 15-20 м/с, таңертең және күндіз екпіні 23-28 м/с-ға жетеді деп күтіледі.
Қарағанды, Ақмола облыстарының кей жерлерінде тұман, көктайғақ, бұрқасын және 15-20 м/с жылдамдықпен жел соғады.
Қызылорда, Солтүстік Қазақстан, Қостанай облыстарының кей жерлерінде тұман, көктайғақ болады, желдің жылдамдығы 15-20 м/с-ға дейін жетеді.
Шығыс Қазақстан облысының түнде және таңертең кей жерлерінде тұман, көктайғақ болады, күндіз кей жерлерде желдің жылдамдығы 15-20 м/с-ға дейін жетеді.
Оңтүстік Қазақстан облысының кей жерінде тұман, таңертең және күндіз желдің жылдамдығы 15-20 м/с-ға дейін жетеді.
Павлодар облысының кей жерлерінде желдің жылдамдығы 15-20 м/с-ға дейін жетеді, күндіз кей жерлерінде көктайғақ күтіледі.
Маңғыстау облысының кей жерлерінде тұман, күндіз желдің жылдамдығы 15-20 м/с-ға дейін жетеді.
Атырау, Батыс Қазақстан, түнде Алматы облыстарында тұман күтіледі.