11-сынып оқушысы Талдықорған аруы атанды

ТАЛДЫҚОРҒАН. ҚазАқпарат - Аруна Сағатбекова Талдықорған аруы атанды, деп хабарлайды ҚазАқпарат тілшісі.

Талдықорғанның ең сұлу атағына лайық болып табылған бойжеткеннің жасы 16-да. Ол қазіргі таңда 11-сынып оқушысы.

«Талдықорған аруы - 2016» байқауында ең үлкен сыйлық алған ару №9 нөмірдегі Айсұлу Мұхамадиева. Бойжеткенге байқау барысында Айдын Кәрімов есімді жігіт ұсыныс жасап, қыздың келісімін алды. Айта кету керек, Ілияс Жансүгіров атындағы мəдениет сарайында өткен ақтық сында 14 ару өзара бақ сынасты. Енді бас жүлдеге ие болған бойжеткен республикалық додада сынға түседі.