Ауа райы
Астана 27 °С
Алматы 33 °С
валюта бағамы
USD 324.98
EUR 378.34
RUB 5.53
CNY 48.01

Астанада теннистен «Президент Кубогы - 2017» халықаралық турнирі басталды

Астанада теннистен «Президент Кубогы - 2017»  халықаралық турнирі басталды
2017 жылғы 18 шілде 11:51 425

АСТАНА. ҚазАқпарат - Астана қаласының Ұлттық теннис орталығында «Президент Кубогы - 2017» халықаралық турнирінің ашылу салтанаты болып өтті, деп хабарлайды «ҚазАқпарат» ХАА тілшісі.

АТР Challenger және ITF Women's сериясының ХІХ «Президент Кубогы - 2017» халықаралық турнирі 18-23 шілде аралығында Астана қаласының Ұлттық теннис орталығында ұйымдастырылады. Халықаралық дәрежедегі ауқымды жарыс ЭКСПО-2017 көрмесінің аясында өткізілуде.

Астанада теннистен «Президент Кубогы - 2017»  халықаралық турнирі басталды

Жалпы жүлде қоры - 225 000 АҚШ доллары.

Турнирге әлемнің 21 елінен 200 теннисші өзара бас сынаспақ. Олардың арасында әлемдік рейтингтің үздік жүздігінің теннисшілері де бар. Қазақстан теннисшілерінен аталған сайысқа Михаил Кукушкин, Андрей Голубев, Дмитрий Попко, Александр Бублик, Анна Данилина мен Камила Керімбаева қатарлы үздік спортшылар қатысады.

Турнирдің ашылу салтанатына ҚР Мәдениет және спорт министрлігінің спорт және дене шынықтыру істері комитетінің төрағасы Елсияр Қанағатов, Қазақстан теннис федерациясының вице-президенті Диас Досқараев, Қазақстан теннис федерациясы атқарушы директоры Юрий Польский, Ұлттық теннис орталығының директоры Қуандық Елжанов қатысты. Сонымен бірге, жарысқа АТР және ITF бас төрешілері Андрей Корнилов пен Массимо Морелли арнайы келіп отыр.

Астанада теннистен «Президент Кубогы - 2017»  халықаралық турнирі басталды

«Елімізде ЭКСПО-2017 көрмесі басталғалы бері 20-дан астам халықаралық дәрежедегі спорт сайысы өтіп жатыр. Соның ішінде ауқымды жарыстардың бірі - осы теннистен өтіп жатқан халықаралық «Президент кубогы - 2017». Мемлекет басшысының қолдауының арқасында елімізде спорт жоғары деңгейде дамып келеді. Қонақтарға қош келдіңіздер демекпін. Осы жарыста барлық спортшыларға үлкен жетістікке жетуіне тілектеспін. Теннис елімізде танымал спорт түрлерінің бірі бола бастады», - деді турнирдің ашылу салтанатында Елсияр Қанағатов.

Астанада теннистен «Президент Кубогы - 2017»  халықаралық турнирі басталды

Теннистің алғашқы ойыны сағат 11:00-де басталды. Ұлттық теннис орталығында сайысты тамашалау үшін тегін кіруге болады.

Астанада теннистен «Президент Кубогы - 2017»  халықаралық турнирі басталды

 

 

Басты сөздер: Астана, Спорт, EXPO-2017,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер