18 Наурыз 2016, 10:29

Ақмола облысында боранда жолда қалған адамдарды құтқару жұмыстары жалғасуда

КӨКШЕТАУ. ҚазАқпарат - Ақмола облысында соңғы бір тәуліктің ішінде 105 адам және 36 көлік қар құрсауынан шығарылды.
Бұл туралы облыстық төтенше жағдайлар жөніндегі департаменттің бірыңғай кезекші диспечерлік қызметі басқармасының басшысы Айвар Бұлқайыров айтты.

Оның айтуына қарағанда, өткен сәрсенбі күні облыс бойынша боранда жолға шыққан ­ 104 адам (оның 11 балалар) және 34 көлік­ қар құрсауынан құтқарылды. Нақтырақ айтсақ, Жақсы ауданында 9 көлік пен 32 жолаушы, Атбасар ауданында 7 көлік пен 28 жолаушы Бурабай ауданында 28 көлік пен 54 жолаушы шығарылған. Құтқару жұмыстарына «Өрт сөндіру және апатты-құтқару жұмыстары» мемлекеттік мекемесінің жеке құрамынан 30 адам және 11 бірлік арнайы техника жұмылдырылды.

Кеше 17 наурыз күні құтқарушылар тағы 105 адам мен 36 техниканы қардан аршып алды.

«Көріну нашарлығына байланысты, қиын жағдайлар болғаны рас. Жолда қалған адамдардың барлығы төтенше жағдайлар қызметінің бұқаралық ақпарат құралдары және ұялы байланыс операторлары арқылы хабарланған ескертулерге құлақ аспағандар. Дегенмен, шұғыл қызметтер тиісті деңгейде көмек қолын созып, жолда қалған адамдар мен көліктерді құтқарып, дер кезінде көмек көрсетіп отыр», - деді Айвар Бұлқайыров.

Осы күндері дүлей боран Жақсы аудандық әскери комиссариатының 70 шаршы метр шатырын да жұлып түсірген. Абырой болғанда ешкім зардап шеккен жоқ.

Автор: Аслан Оспанов   
 Басты сөздер: Ақмола облысы , Оқиға , Басқа меморгандар , Төтенше жағдайлар комитеті
Қате таптыңыз ба? Белгілеп, CTRL+ENTER басыңыз

Сондай-ақ... оқыңыз

ҚР ІІМ басшысының орынбасары ШҚО Қара Ертіс өзенінің жағдайын әуеден бақылайды (ФОТО)

АСТАНА. ҚазАқпарат - ҚР Ішкі істер министрінің орынбасары Юрий Ильин жұмыс сапарымен ШҚО-да жүр.
Жұмыс сапарының мақсаты - Ертіс өзеніндегі жағдаймен, ШҚО ТЖД мекемелерінің жұмысымен танысу.

Пікір қалдыру

Аты:
Кодты енгізіңіз:*

Код тізім есебімен енгізіледі

Көп оқылғандары

22 сағат ауыз бекітетін ел
Дәрігерлер тез қартаюдың себебін атады
Астана күніне орай алаңда аспаздар сайысы өтеді
Кіші Крис Юбэнк Головкинмен жекпе-жегінің құнын айтты
Алтыншы сайланған Парламенттің бірінші сессиясы үш ай ғана жұмыс істеді - Н. Нығматулин
БҚО-да «Қауіпсіз жол» жедел алдын алу шарасы өткізілуде (ФОТО)
Буэнос-Айресте Мессиге ескерткіш орнатылды
28 маусым. ҚАЗАҚПАРАТ КҮНТІЗБЕСІ: АТАУЛЫ КҮНДЕР, ОҚИҒАЛАР, ЕСІМДЕР

АСТАНА.   ҚазАқпарат - ҚазАқпарат оқырмандарына 2016 жылғы 28 маусымға арналған күнтізбесін ұсынады.

Пікір білдірілген мақалалар