13 Ақпан 2016, 12:04

Зика безгегі Қазақстанға да жетуі мүмкін

АСТАНА. ҚазАқпарат - ҚР Ұлттық экономика министрлігі жанындағы Тұтынушылар құқығын қорғау комитеті төрағасының орынбасары - бас мемлекеттік санитарлық дәрігер Жандарбек Бекшин Қазақстанға Зика безгегінің жетуі мүмкін екендігін жоққа шығармайды.

 Бұл жайында Ж.Бекшин ҚазАқпарат агенттігінің ресми сауалына берген жауабында айтқан.

Оның атап өтуінше, Қазақстан аумағы Зика безгегі ауруы бойынша эндемиялық өңір емес. Яғни, безгектің таралуы үшін табиғи орта жоқ. Зика безгегі адамнан адамға жұқпайды. Ол тропикалық және субтропикалық белдеулерде тіршілік ететін  Aedes egypti  масасы шаққан кезде адамдарға таралады.

«Осыған байланысты Қазақстан аумағында, сонымен қатар онымен шектесетін елдерде және Орталық Азия өңірінде масаның аталған түрі кездеспейді. Қазақстанда тіршілік ететін масалалар арасында Зика безгегінің таралу қаупі жоқ. Дегенмен, туристік белсенділік пен халық көші-қонының жоғары болуына орай инфекцияның келуі қаупі бар», - деді ол.

Қазақстан бас санитар дәрігерінің айтуынша, ел аумағына Зика безгегінің әкелінуінің алдын алу үшін туристік операторлармен жұмыстар жүргізілуде.  Олар Зика безгегі тараған елдерге сапарлайтын адамдарға, оның ішінде жүкті әйелдерде де вирустың қауіпті екендігін түсіндіруде. Бұған қоса Қазақстанның мемлекеттік шекараларында шетелден келген адамдарды санитарлық-карантиндік бақылау жүргізілуде.

«Зика безгегіне қарсы дәрінің және емінің болмауына байланысты Тұтынушылар құқығын қорғау комитеті шет елдерге сапар жоспарлау барысында ұсынылған ақпаратты ескеруге және әсіресе жүкті әйелдерде эпидемиологиялық ахуал тұрақтанғанға дейін Зика безгегі тараған елдерге мүмкіндігінше сапарын кейінге шегеруге кеңес береді», - деді Ж.Бекшин. 

 

 

Автор: Марлан Жиембай      
 Басты сөздер: Қоғам , Медицина , ҚР Ұлттық экономика министрлігі
Қате таптыңыз ба? Белгілеп, CTRL+ENTER басыңыз

Сондай-ақ... оқыңыз

Көшпелі медициналық кешен Ақтөбе облысының қатаң режімдегі колониясына барды

АСТАНА. ҚазАқпарат - Республикалық «Денсаулық жолы - 2016» акциясы аясында Ақтөбе облысы Жем қаласындағы КА-168/5 түзету мекемесінің 600 сотталушысы кешенді медициналық тексеруден өтті.

Пікір қалдыру

Аты:
Кодты енгізіңіз:*

Код тізім есебімен енгізіледі

Көп оқылғандары

Адамзат тарихындағы айтулы күн
Индонезияда жер бетіндегі ең кәрі тұрғын - 145 жастағы ер адам тұрады
30 тамыз республиканың кей өңірлерінде өткінші жаңбыр жауады
ШҚО әкімі Ольга Рыпаковаға автокөлік сыйлады
1 қыркүйекте Астанада ҚР Парламенті палаталарының бірлескен отырысы өтеді
Елбасы қазақстандықтарды Конституция күнімен құттықтады
30 тамыз. ҚАЗАҚПАРАТ КҮНТІЗБЕСІ: АТАУЛЫ КҮНДЕР, ОҚИҒАЛАР, ЕСІМДЕР
Оралда мемлекеттік органдар мен БАҚ байланысына арналған форум өткізілді

ОРАЛ. ҚазАқпарат - БҚО прокуратурасының ұйымдастыруымен «Құқықтық журналистика» облыстық форумы өткізіліп, онда мемлекеттік органдар мен бұқаралық ақпарат құралдарының өзара қарым-қатынас мәселелері талқыланды.

Пікір білдірілген мақалалар