ОРАЛ. 23 ақпан. ҚазАқпарат - Қазақстан Республикасы Президентінің «Жергілікті атқарушы органдар басшыларының халыққа есеп беру туралы» 2005 жылдың 6 сәуірдегі Жарлығын іске асыру мақсатында облыс әкімі Нұрлан Ноғаев 2012 жылдың 3 наурызында жұртшылық өкілдерімен есеп беру кездесуін өткізеді.

Облыс әкімі аппаратынан түскен мәліметке қарағанда, кездесу «Нұр Отан» ХДП облыстық филиалы ғимаратының үлкен залында болмақ.

Осыған байланысты облыс әкімі Н.Ноғаевтың кездесуде жасайтын баяндамасының желісі облыс әкімінің сайтында және «Орал өңірі» мен «Приуралье» газеттерінде жарияланатын болады.

Облыс тұрғындары облыс әкімінің есебі бойынша өздерінің ұсыныстарын, ескертпелері мен үнқосуларын Орал қаласы мен аудандарда орнатылған арнайы жәшіктерге сала алады. Ұсыныстарды е-mail zkue@nursat.kz электронды пошта, веб-сайт www.westkaz.kz арқылы және облыстық «Орал өңірі» және «Приуралье» газеттерінің редакцияларына жолдауға болады.