27 Сәуір 2011, 16:38

Қазақстан мен Түркия халықаралық саясатта өздерін өте беделді мемлекет екендіктерін дәлелдеп келеді

 АСТАНА. 27 сәуір. ҚазАқпарат /Марлан Жиембай/ - Қазақстан мен Түркия халықаралық саясатта өздерін өте беделді мемлекет екендіктерін дәлелдеп келеді. Бүгін елордада ҚР Парламенті Мәжілісінің төрағасы Орал Мұхамеджанов Түркия Республикасы Ұлы Ұлттық жиналысының төрағасы Мехмет Әли Шахинмен кездесуі барысында осылай деді.

Өз сөзінде түркітілдес елдердің Парламенттік Ассамблеясы (ТүрікПА) ІІ жалпы отырысына қатысуға шақыртуды қабыл алған түркиялық делегаттарға алғысын білдірген ол: «Екі ел арасындағы қарым-қатынас қарқынды даму үстінде екендігін өте жақсы білеміз. Біздердің сауда-экономикалық, мәдени-гуманитарлық қарым-қатынасымыз, саяси  ынтымақтастығымыз ойдағыдай дамып келе жатыр», - дей келіп, оның қорытындысы 2009 жылғы Елбасы Н.Назарбаевтың Түркияға ресми сапары барысында екі ел арасындағы стратегиялық әріптестік жөніндегі келісімшартқа қол қойылуы екендігін баса айтты.

Мәжіліс төрағасының пайымынша, бауырлас екі елдің халықаралық деңгейде ұқсас не бір көзқарас танытуы көп нәрсеге байланысты. Сонымен қатар екі мемлекет те өздерінің халықарылық саясатта өте беделді ойыншы екендіктерін дәлелдеп келеді. Соның дәлелі өткен жылы Қазақстан Азиядағы өзара іс -қимыл және сенім шаралары кеңесінің  төрағалығын Түркияға тапсырып, өзі Шанхай ынтымақтастық ұйымына төраға болып отыр. Сондай-ақ өткен жылы Қазақстан түркі тілдес елдердің, мұсылман  елдерінің арасында бірінші болып Еуропадағы беделді ұйым ЕҚЫҰ-ға төрағалық етті және сол ұйымның Ыстамбұлдан кейін 11 жыл бойы өтпеген Саммитін Астанада өткізді.  

«Алдағы бір-екі айдың ішінде Қазақстан Ислам конференциясы ұйымына төрағалығын жоспарлап отыр. Осының барлығы біздің халықаралық саясатта қандай орын алатындығымыздың айғағы болмақ», - деді О.Мұхамеджанов.

Автор: Марлан Жиембай      
Қате таптыңыз ба? Белгілеп, CTRL+ENTER басыңыз

Сондай-ақ... оқыңыз

Пікір қалдыру

Аты:
Кодты енгізіңіз:*

Код тізім есебімен енгізіледі

Көп оқылғандары

Боливияда найзағай соққан бес адам мерт болды
Ресейлік паралимпияшыларды 2018 жылғы Ойындарға қатыстырмайды
Павлодарлық полиция қызметкерлеріне 62 жаңа көліктің кілті табысталды
БҚО әкімі Ақ Жайық жұртшылығын Конституция күнімен құттықтады
Елбасы қазақстандықтарды Конституция күнімен құттықтады
Индонезияда жер бетіндегі ең кәрі тұрғын - 145 жастағы ер адам тұрады
Қазақстаннан гуманитарлық көмек Бішкекке келіп жетті
Әділбек Ниязымбетов пен Василий Левит «алтын» медальдің марапатын алады

АСТАНА. ҚазАқпарат - Риодағы Олимпиада ойындарында «күміс» медаль алған Әділбек Ниязымбетов пен Василий Левитке «алтын» медальдің сыйлығы тапсырылады. Бүгін Астанада жазғы ХХХІ Олимпиада ойындарының жеңімпаздары мен жүлдегерлеріне құрмет көрсету салтанатты шарасында Елбасы Нұрсұлтан Назарбаев осылай мәлім етті.

Пікір білдірілген мақалалар