ӨСКЕМЕН. Қыркүйектің 7-сі. ҚазАқпарат /Людмила Малько/ - Өскеменде екі ел президенттері Нұрсұлтан Назарбаев пен Дмитрий Медведевтің қатысуымен Қазақстан мен Ресейдің VIІ аймақаралық ынтымақтастық Форумының пленарлы отырысы басталды.

Пленарлы отырыстың алдында екі мемлекеттің басшылары «ТКШ саласындағы инновациялық технологиялар» көрмесімен танысты. Топтамаға қуат үнемдейтін өнімдері мен Қазақстан және Ресей кәсіпорындарының технологиялары қойылған. Қазақстан-Ресей он бірлескен жобаларының үшеуі, атап айтқанда, сұйық керамикалық жылу оқшаулау өнімі, су тазалайтын жүйе мен жерасты суларын радиациядан сақтайтын геохимиялық тосқауылдар таныстырылды.