АСТАНА. Қыркүйектің 2сі. ҚазАқпарат - Индустрия және жаңа технологиялар министрлігінің «KAZNEX INVEST»экспорт және инвестициялар жөніндегі ұлттық агенттігі» АҚ  пен «Khaznah Strategies Ltd» халықаралық консалтингтік компаниясы арасында  өзара түсіністік туралы меморандумға қол қойылды, деп хабарлайды «KAZNEX INVEST» баспасөз қызметі.

Бұл маусымның 15-17-і аралығында Лондонда өткізілген «Қазақстан: өсудің жаңа көкжиектері» 5-інші жыл сайынғы  халықаралық форумда қол жеткізілген уағдаластықтың нәтижесі іспеттес болды. Құжат отандық экспортты шетелдік рынокқа шығарудың және Еуропа  елдерінен инвестициялар тартудың маңызды тетігі болмақ.   

Сонымен қатар, аймақтық деңгейде экономикалық белсенділік пен инвестициялық үдерістерді ынтыландыру мақсатында KAZNEX INVEST жергілікті атқарушы органдармен тығыз қарым-қатынастар орнатуға қатысты жұмыстарды жүзеге асыруда.