АСТАНА. Қыркүйектің 2-сі. ҚазАқпарат - Қостанай облысында «Қазақстан темір жолы» ҰК» АҚ-ның өңірлік жастар форумының салтанатты ашылуы болды. Бұл туралы компанияның баспасөз қызметінен хабарлады.

Қыркүйектің 1-5-і аралығында өтіп жатқан форумға компанияның 30 жасқа дейінгі 131 қызметкері қатысуда.

Форум аясында ұйымдастырылған тренингтер мен семинарларға Қостанай, Павлодар, Атырау, Маңғыстау, Ақтөбе мен Батыс Қазақстан облыстарының жастары қатысуда.

Жас теміржолшыларды оқыту «Менеджмент жобасы» және «Болашақ басқарушылар» бағдарламалары бойынша жүргізіледі.

Қызметкерлер онда теміржол көлігіндегі менеджментті жақсарту және оның жұмысын жетілдіру бойынша өздерінің жобаларын ұсынатын болады.