АСТАНА. Қыркүйектің 2-сі. ҚазАқпарат /Ернұр Ақанбай/ - Арал маңы аумағының экологиялық жағдайы әлі де болса халық денсаулығына қауіп төндіруде. Бұл туралы бүгін Үкіметте 2010-2014 жылдарға арналған «Жасыл даму» салалық бағдарламасын таныстыру кезінде Қоршаған ортаны қорғау министрі Нұрңғали Әшімов айтты.

«Экологиялық апат аймағына жатқызылған Арал маңы аумағының экологиялық жағдайы әлі де күрделі. Көрсетілген проблемалар тікелей экологиялық жүйелерге ғана емес, халық денсаулығына да қауіп төндіруде. Әсіресе, олар тыныс органдары, онкология, жүрек-тамыр жүйесі, тері, жүйке ауруларымен науқастану және өлу деңгейі жоғары республиканың ірі қалаларында және өнеркәсіптік орталықтарда шоғырланған.», деді Н. Әшімов.

Сонымен қатар, Н. Әшімов Қазақстан аумағының үлкендігінен ластану аумағы аз болып көрінуі мүмкіндігін айта келе: «Бірақ,  шөлейттенген және тозған жерлердің аудандары ел аумағының 70 пайызын құрайды. Мысалы, 182 млн. гектар жайылымдардың 26 млн. гектары тозудың шекті дәрежесіне жеткен», деді.