АСТАНА.  Қыркүйектің  2-сі. ҚазАқпарат -   Қыркүйек  айының 6-8-і аралығында Астана қаласында Беларус Республикасының Мәдениет күндері өтеді. Бұл туралы  ҚазАқпаратқа    Байланыс және ақпарат  министрлігі Ақпарат және  мұрағаттар комитеті баспасөз бұқаралық ақпарат  құралдары басқармасынан  хабарлады.

Қазақстан Республикасының Президенті Нұрсұлтан Назарбаевтың 2009 жылғы қарашаның  25-26-сында Беларус Республикасына жасаған  ресми сапарының қорытындысы бойынша  және Қазақстан Республикасының Премьер-Министрі Кәрім Мәсімовтың тапсырмасын орындау мақсатында  жүзеге асырылатын  аталған  іс-шара шеңберінде «Классик-авангард» жеке орындаушылар ансамблінің концерті, қазіргі заманғы беларусь кескіндемесінің көрмесі және беларусь киносының күндері  жоспарлануда.

Беларус Республикасының Қазақстан Республикасындағы Мәдениет күндерінің салтанатты ашылуы   
қыркүйектің  6-сында сағат 19.00-де К.Байсейітова атындағы Ұлттық опера және балет театрында өткізіледі.