АСТАНА.  Қыркүйектің  2-сі.  ҚазАқпарат  /Асқар  Бимендин/ -     Қанат  Саудабаев  пен Мунеэ Судзуки   Қазақстанның  Сыртқы  істер министрлігінде  болған  кездесуде  ядролық қарусыздану     және    бейбіт атомды  дамыту   саласындағы  ынтымақтастықтың  перспективасын талқылады.

Қазақстанның  Мемлекеттік  хатшысы -сыртқы  істер министрі Қанат Саудабаев Жапония Парламенті   Өкілдер  палатасының халықаралық  істер  жөніндегі  комитетінің төрағасы Мунеэ Судзукимен     болған кездесудің барысында  ядролық қауіпсіздік  тақырыбына тоқталып,    осыдан  65   жыл   бұрын   орын  алған  Хиросима мен Нагасакидің  бомбылануы  туралы    оқиғаны Қазақстанның  әрқашан  есте сақтайтынын   атап көрсетті. 

Қ.Саудабаев  сөз сөзінде сондай-ақ,     бір жарым миллионнан астам  қазақстандықтың  да    Семей полигонында  40   жыл бойы   жасалған     ядролық сынақтардан  зардап шеккенін айтып  өтті. 

Өз кезегінде  М.Судзуки мырза,     жаһандық  қауіпсіздікті  нығайтудағы Қазақстанның  қомақты үлесін атап көрсетті.

Тараптар, ядролық қарусыз  әлем  құру үшін  Қазақстан  мен  Жапония  күш біріктірулері керек,  деген   ортақ   пікірге келді.