ҚЫЗЫЛОРДА. Қыркүйектің 2-сі. ҚазАқпарат /Жаңагүл Сердалы/ - Кеше басталған жаңа оқу жылына орай Қызылорда облысындағы мектептер парталарына 129 мыңға жуық оқушы отырды. Олар аймақтағы 289 мектептің аясына біріккен. Ал биыл алғаш рет мектеп табалдырығынан аттаған бүлдіршіндер саны 11 мың болып отыр.

Облыста биыл 27 мектептің құрылысы жүріп жатыр. Олардың 6-уы осы оқу жылының қарсаңында пайдалануға берілсе, қалғандары жылдың соңына дейін қатарға қосылады деп күтілуде. Сонымен қатар көптеген білім ордалары «Жол картасы» бағдарламасына сай жөндеуден өткізілді.