ЖАМБЫЛ ОБЛЫСЫ.  Қыркүйектің  2-сі. ҚазАқпарат /Галина Скрипник/ -   Облыстың барлық  мектептері  жылу  беру маусымына   дайын,  деп хабарлады     Жамбыл облыстық әкімдігінің   білім басқармасынан.

Облыстық  білім басқармасының бастығы Сұлушаш Құрманбекованың  айтуынша,    мектептер  үшін    46 500 тонна көмір,  1 мың тоннадан астам дизель  отынын және   3 075 367 текшеметр газ сатып  алуға     510,3 миллион  теңге  ақша бөлінген. 

«Облыстың  барлық мектептері  отынмен    қамтамасыз  етілді,   көмір мен сұйық отын жеткізу  жұмыстары   аяқталды», - деп атап  көрсетті С.Құрманбекова  өз сөзінде.

Облыста  барлығы 465  орта мектеп  болса,  оларда 22 мыңға жуық педагог      жұмыс істейді,   180 мыңнан астам  оқушы  білім алады.