АЛМАТЫ. Қыркүйектің 2-сі. ҚазАқпарат /Әділет Мұсахаев/ -  Ағымдағы жылдың 29-шы тамызында Өскемен қаласының ішкі саясат бөлімі «Шығыс шынары» халықаралық мүшәйрасын өткізді,

деп хабарлайды ҚазАқпарат.

Аталмыш жыр сайысына 145 ақынның 600-ге жуық еңбегі қаралып, оның ішінен 21 ақын ақтық сайысқа шыққан.

Сонымен сайыс қортындысы бойынша Бас жүлде қарағандылық Серік Ақсұңқарұлына бұйырды. Ал бірінші орынды Семейден келген  Тыныштықбек Әбдікәкімов иеленсе,  Бақытжан Алдияров пен  Бегманов Қасымхан екінші орынды өзара бөлісті. Қырғызстаннан келген  Ақбар Рысқұлов пен Алматылық Иса Қазыбек, Зейнолла Тілеужанов, Әбубәкір Қайран үшінші орынды місе тұтты.

Мүшайраның шарты бойынша бас жүлдеге - 1миллион теңге, 1-ші орынға 700 мың, 2-ші орынға 500 мың, 3-ші орынға 300 мың теңге сыйақы тағайындалса, арнайы жүлделерге 150 мыңнан берілген.

Сонымен қатар бірнеше ақын елімізге белгілі ақындардың арнайы сыйлығымен марапатталған.