АСТАНА. Қыркүйектің 1-і. ҚазАқпарат /Ернұр Ақанбай/ - Еліміз тәуелсіздігінің 20 жылдығын лайықты қарсы алу әрбір қазақстандықтың патриоттық парызы. Бүгін Төртінші сайланған ҚР Парламентінің төртінші сессиясын ашу барысында Елбасы Нұрсұлтан Назарбаев осылай айтты.

«2011 жылы біздер Тәуелсіздігіміздің 20 жылдық мерейтойын атап өтетін боламыз. Екі онжылдықта бұған дейін тұтас бір ғасыр бойы сыйыстыра алмаған көптеген ұлы нақты істер атқарылды. Алдағы мерейтой туған Отанымыздың тағдыры қымбаттардың барлығына қымбат. Тәуелсіздіктің 20 жылдығын тойлату бұл тек қана ресми іс-шара ғана емес, оны лайықты қарсы алу әрбір қазақстандықтың патриоттық парызы», деді Н. Назарбаев.

 

Осы орайда Президент миллиондаған азаматтарымыз өздерінің азаматтық белсенділігін көрсеткені, жаңа индустриалды Қазақстанның құрылысына қатысуға ұмтылуы, іспен шұғылданғаны, ел дамуында өз орнын табуы маңызды екенін атап көрсетті. «Депуттатар жергілікті жерлерде болғанда осы бағыттағы жұмысты жүргізетіндігіне және адамдарға олармен бірге осы жылдар ішінде қандай шаруаларды атқарғанымызды және алда одан да ауқымды жұмыстар күтіп тұрғанын айтады деп үміттенемін», деді Елбасы.