АТЫРАУ.  Тамыздың  30-ы. ҚазАқпарат /Андрей Соколов/- Атырау  облысының    Махамбет  ауданында  жұмыс істейтін «АтырауАгроӨнімдері»  шаруа қожалығы    биыл  300 тоннадай алма  жинауды  жоспарлап отыр.

Облыс  орталығының барлық ықшамауданында  жұмыс істейтін  ауыл шаруашылығы жәрмеңкелерінде  жергілікті   жемістер бүгін   қала тұрғындарына       ұсынылуда.

Шаруа қожалығының басшысы Владимир  Розметовтың  хабарлауынша,  шаруашылықтың  бау-бақшасында  алманың  ерте  пісетін,  орта мерзімде  пісетін және күзде жеміс беретін   40 шақты   сұрыбы    отырғызылған.   Олардың барлығы    Волгоград  тәлімбақтарында   өсірілген  және  атыраудың  күрделі климатына бейімделген.    Биыл    бау-бақша    алғашқы өнеркәсіптік   өнім   беріп отыр. 

Биылғы  өнімнің бәрі  жәрмеңкелерде сатылатын болады.  Ал  келесі жылы шаруашылық     алмадан қақ жасайтын және  компот қайнататын  өз  цехын ашпақ.