ОРАЛ. Наурыздың 20-сы. ҚазАқпарат /Елжан Ералы/ - Батыс Қазақстан облысында бір қызметкердің орташа айлық жалақысы 68125 теңгеге, ал ірі және орта кәсіпорындарда 71584 теңгеге жетті.

Облыстық статистика департаментінен ҚазАқпарат тілшісіне хабарлағанындай, өңірде ең жоғары жалақы әкімшілік және қосалқы қызмет көрсету саласында - 185103 теңге, одан кейін құрылыста 146556 теңгеге жетсе, кәсіптік, ғылыми және техникалық қызметте - 118228 теңге. Ең төменгі еңбекақы өнер, демалыс қызметінде - 26479 теңге, ауыл, орман және балық шаруашылығында - 33640 теңге, білім беруде - 33818 теңге, денсаулық сақтау мен әлеуметтік қызмет көрсетуде - 42379 теңге.