Бұл жайлы кеше  Алматыда өтіп жатқан  «Software Engineering Summit-2010 Қазақстан» форумында айтылды,  деп  хабарлайды ҚазАқпарат.

         Ақпараттық технология саласындағы кәсіпорындардың кірісі былтыр алдыңғы жылмен салыстырғанда 9 пайызға кеміп, 97-ден 90 миллиард теңгеге дейін азайған болатын. Компьютерлік құрал-жабдықтар  шығыны ақпараттық технологиялық қызмет шығындарынан 5 есеге асып түсті.

         Индустрия және жаңа технологиялар министрлігінің Дамушы салалар департаментінің жоғары технология саласы басқармасының бастығы Бақытжан Битеміровтің айтуынша, 2010-2014 жылдары жыл сайынғы өсім компьютерлік құрал-жабдықтарда  12 пайызды құрамақ. Ал ол  лицензиялық бағдарламамен қамтамасыз етуде - 26 пайыз, ақпараттық технологиялық қызметте  27 пайызға дейін өседі.  Кәсіпорындардың кірісі компьютерлік құрал-жабдықтарда - 69-дан 147 миллиард теңгеге, лицензиялық бағдарламамен қамтамасыз етуде - 7-ден 36 миллиард теңгеге, ақпаратық технологиялық қызметте 14-тен 58 миллиард теңгеге дейін артады деп жоспарлануда.