Алғашқы  рейс  жұма күні кешке  болды.     Жаңа     пойыздың  жолаушылары  Астана   теміржол  вокзалынан  салтанатты жағдайда,  шашумен  шығарып салынды.

 Электр пойызының  құрамында 6 вагон бар,  оның екеуі - бірінші кластағы,  үшеуі - екінші,   біреуі  үшінші кластағы   вагондар.  Бұл бағыт     бюджет есебінен    дотацияланатын болғандықтан,    билет бағасы   арзан,  тіпті  бірінші   кластағы  вагондардың   билеті  1 мың теңгеге жетпейді.   Вагондар   жұмсақ орындықтармен  және теледидарлармен   жабдықталған.   Астана мен  Қарағандының арасын   электричка  3,5 сағатта  жүріп  өтеді. 

 Бұл жоба      Қарағанды  облыстық әкімдігі мен  «Қала маңындағы тасымалдар»    акционерлік  қоғамының басшылығы  арасындағы  сындарлы  диалогтың      қорытындысы,  деп   хабарлады  облыстық автокөлік  жолдары  және  жолаушылар көлігі басқармасынан.