ӨСКЕМЕН.  Наурыздың  20-сы.  ҚазАқпарат /Людмила Малько/ -     Өскеменнен   Алматы,  Омбы,    Зырян,  Бақты, Қарағанды бағытына баратын     жолдар  мен Семей-Қайнар   жолы    ауа  райының  қолайсыздығы салдарынан,

атап айтқанда көктайғақ,    боран, қатты  жел,  жолдың көрінбеуі сияқты себептерден   бүгін таңертең    жабылды. 

 Сондай-ақ   Күршім-Қалшыр,   Аягөз-Қарауыл, Тарғын-Самара    трассалары да  жабылды. 

 Төтенше жағдайлар қызметінен    хабарлағандай,  қазіргі таңда   Алматы-Өскемен  тас жолында   Үшаралдан  келе  жатқан   7  жүк көлігі,    15 жеңіл көлік  және   бір жолаушылар  автобусы    жолда қалып қойған.   Ал  Шар қаласынан  25 шақырымдай  жерде,   Семей-Қалбатау  тас жолында      бірнеше көлік - қар құрсауында.    Приозерное селосынан  7 шақырым жерде  Көкпекті-Зайсан    трассасында 2 «КамАЗ»,    2 жеңіл көлік жолда   қалып қойды.     Ал    Жоғары Тайынты  ауылында, «Алтай» дәмханасында    жолдың ашылуын  күтіп  30  адам және  15 автокөлік    тұр.