СЕМЕЙ. Наурыздың  20-сы. ҚазАқпарат /Лина Славина/ -      Шәкәрім атындағы  Семей мемлекеттік    университетінде  Еуропарламент депутаты  Струан  Стивенсонмен    болатын  кездесудің   тақырыбы    «Қазақстанның ЕҚЫҰ-ға төрағалығы»  мәселесіне    арналады.

 Жүздесу  сәуірдің  5-інде  болады.   Ядролық сынақтардан    зардап шеккен    Семей өңіріне     ұзақ  жылдар бойы   нақты  көмек көрсетіп келе  жатқан   С.Стивенсон  мырза     университет ұжымының  алдында  «Қазақстанның ЕҚЫҰ-ға төрағалығы:  Семей полигонымен  және  Арал   теңізімен байланысты  қоршаған орта  мәселелері.   Еуропарламент депутатының   көзқарасы»  деген тақырыпта  дәріс оқиды.

 Ректораттан хабарлағандай,    дәріс    Қазақстан  Республикасының Президенті Н.Назарбаевтың «Жаңа  онжылдық - жаңа экономикалық  өркендеу - Қазақстанның  жаңа мүмкіндіктері»   атты   Жолдауын насихаттау       жөніндегі университеттің   жұмыс жоспарының аясында  өтеді.