ОРАЛ. Наурыздың 19-ы. ҚазАқпарат /Елжан Ералы/ - Батыс Қазақстан облысында биылғы екі айда 13,9 млрд. теңгенің бөлшек тауары сатылды, бұл өткен жылғы қаңтар-ақпандағыдан 16,1 пайызға артық.

Облыстық статистика департаментінен ҚазАқпарат тілшісіне хабарлағанындай, 5,8 млрд. теңгенің бөлшек тауарын сауда кәсіпорындары өткізсе, 8,1 млрд. теңге базарлар мен жеке кәсіпкерлер үлесіне тиеді. Сауда кәсіпорындары сауда көлемін 5,6 пайызға көбейтсе, базарлар мен жеке кәсіпкерлер 24,9 пайызға өсірді.

Сыртқы сауда айналымы қаңтар айында 172,7 млн. АҚШ долларын құрап, өткен жылғыдан 64,6 пайызға ұлғайды. Соның ішінде экспорт 121,5 млн. (өсім - 2,6 есе), импорт 51,2 млн. долларды құрап, бұл 12,7 пайызға төмендеді.