деп хабарлайды ҚазАқпарат тілшісі.

Батыс Қазақстан облыстық ішкі істер департаментінде мемлекеттік тіл және ақпарат бөлімінің ұйымдастыруымен наурыздың 19-ында өткізілген «Армысың, әз Наурыз!» атты шараға түрлі ұлт өкілдері қатысты. «Наурыз-думан» әнімен басталған шара қазақтың салт-дәстүрінің бірі - құда түсу көрінісіне ұласты. Қазақтың ұлттық ойындары мен  салт-дәстүрлеріне түсінік беріліп, "құда тусу" салты көрсетілді. «Қыз мұраты - кету», «Қызды кім айттырмайды», «Екі жақсы қосылса, ай мен күндей жарасар», «Адам болар жігіттің жары өзіне лайық, керуен бастар жігіттің нары өзіне лайық», «Сізде лашын болса, бізде сұңқар бар, сол сұңқарға лашынды іліктіргелі келдік» деген сияқты мақал-мәтелдер сабақтың әрін аша түсті. Полиция қызметкерлері Мария Коловертнова, Диляра Сатарова, Ирина Севрюгина, Юрий Полунин, Оксана Прошина, Леонид Куриленко, Ольга Сұлтанова Наурыз туралы өлеңдер оқып, Құрманғазы атындағы саз колледжінің студенті Сәлімжан Әубәкіров пен ІІД жедел басқару орталығының жедел кезекшісі Сисен Сертеков ән салып, күй шертті. Сабақ полиция аға лейтенанты Рустам Халиловтың ұлыстың ұлы күніне арнаған батасымен аяқталды.