АСТАНА. Наурыздың 19-ы. ҚазАқпарат - Ұлыбританияның жетекші оқу орындарының бірі - Лондон экономика және саяси ғылымдар мектебінде қазақстандық студенттердің кездесуі өтті, оны Ұлыбританияда оқып жатқан қазақстандық студенттерді біріктіретін қоғамның белсенділері және «Болашақ» бағдарламасының стипендиаттары ұйымдастырды,

деп хабарлады «Болашақ» ақапараттық-сараптамалық порталы.

Кездесуге қатысушылар Елбасы Нұрсұлтан Назарбаевтың «Жаңа онжылдық - жаңа экономикалық өрлеу - Қазақстанның жаңа мүмкіндіктері» атты Қазақстан халқына Жолдауымен танысты және саяси пікісайыс түрінде өткен басқосуда оны жүзеге асырудың жолдары мен ықтымал тетіктерін талқылады.

Басқосудың модераторы - Лондон университеті колледжінің магистранты Зейнолла Қалымбетовтің айтуынша, студенттер Отанның болашағы үшін өздерінің жауапкершілігін сезіне отырып, Елбасы Жолдауында алға қойылған міндеттерді орындауға үлес қосу үшін өздерінің әзір екендіктерін білдірді.

Кездесудің қорытындысы бойынша оған қатысушылар Қазақстанның экономикалқ дамуының стратегиялық міндеттерін жүзеге асыру жөнінде ұсыныстар топтамасын әзірлеп, «Болашақ» қауымдастығының сараптамалық кеңесіне жолдады.

Осы шара барысында сондай-ақ «Болашақ» қауымдастығының, елдің орнықты дамуын қмтамасыз ету үшін қазақстандық жастардың интеллектуалдық әлеуеті мен тәжірибесін, күш-жігерін біріктіруге бағытталған Қаумдастықтың қоғамдық жұмысы қызметі таныстырылды.