АСТАНА.  Наурыздың    19-ы. ҚазАқпарат  -  Мәскеуде  Ресей,  АҚШ  елдері  мен   БҰҰ және Еуроодақ  ұйымдары  өкілдерінің  қатысуымен    «Таяу Шығыс төрттігінің»     мәжілісі  басталды. 

 Жиынға қатысушылар     палестина-израиль     дағдарысын    шешу  және    тараптар арасындағы  келіссөз үдерісін   жандандыру мүмкіндіктерін  талқылауда,  деп   хабарлайды   ВВС телекомпаниясының Орыс қызметі.

«Кездесуге қатысушылар   таяушығыстық проблемаға  қатысты  қалыптасып отырған  күрделі  жағдайды,  сондай-ақ     келіссөзді  жандандыруға жағдай  жасау  үшін  «төрттік» тарапынан      ұсынылып  отырған   идеяларды  талқылауға  жиналып отыр»,  деп хабарлады РФ Сыртқы істер министрі  Сергей Лавров.