АЛМАТЫ. Наурыздың 19-ы. ҚазАқпарат /Ерлік Ержанұлы/ - Алматыда наурыздың 25-27-сі күндері жоғары оқу орындары студенттері арасында ІІ Республикалық пәндік олимпиада өтеді,

деп хабарлайды ҚазАқпарат.

Оны Білім және ғылым министрлігі мен Қазақтың Абай атындағы ұлттық педагогикалық университеті бірігіп ұйымдастырып отыр.  Олимпиада жұмысы мына пәндер бойынша өтеді:  «Қазақ тілі мен әдебиеті», «Химия», «География», «Тарих», «Құқық және  экономика негіздері», «Бейнелеу өнері және сызу», «Педагогика және бастапқы оқыту», «Орыс тілі мен әдебиеті». Олимпиада қорытындысында үздік нәтиже көрсеткен студенттер мен командаларды марапаттау рәсімі наурыздың 27-сінде физика-математика факультетінде өтеді деп жоспарланып отыр.