АСТАНА. Наурыздың 19-ы. ҚазАқпарат /Руслан Ғаббасов/ - Индустрия және жаңа технологиялар вице-министрі Альберт Рау немістің автоконцерндерін Қазақстанда автокөліктер мен ауыл шаруашылығы техникасының өндірісін жолға қоюға шақырды.

 Бұл туралы бүгін ол Қазақстандағы Германия инвесторларының форумында айтты, деп хабарлайды ҚазАқпарат.

Осы тұрғыда вице-министр Кедендік одақ аясында Ресей автоөнеркәсібі дамыған мемлекет ретінде Қазақстан мен Беларусқа қарағанда тиімді жағдайда тұғырланып тұрғандығын ескеріп өтті.

Атап айтқанда А. Рау өнімді бұдан әрі Кедендік одақ, сондай-ақ үшінші елдерде сату мақсатында аталған елдің автокөлік шығарушыларын еліміздің аумағында көліктердің және ауыл шаруашылығы техникаларының өндірісін ұйымдастыруға шақырды.

 «Біз бұл өнідірістерді Қазақстан аумағында орналастыру тұрғысындағы шараларды қарастырғымыз келеді»,-деп атап өтті ол.