ҚАРАҒАНДЫ.  Наурыздың 19-ы.  ҚазАқпарат /Валентина Елизарова/ -   Қарағанды  облысында        су   шайып  кетіп,  соның салдарынан        шұңқыр  пайда    болған  Алматы-Екатеринбор тас жолының 499-шы шақырымындағы   жөндеу-қалпына келтіру  жқмыстары аяқталды.   

 Бұл туралы облыстық   төтенше жағдайлар департаментінің баспасөз қызметінен хабарлады.

«Наурыздың 19-ы күні,  сағат 7.30-дан бастап   көлік қозғалыстары   жанданды.   Барлық бағыт бойынша   автожолдар ашылды»,   делінген  департаменттің  хабарламасында. 

Бұдан бұрын хабарлағандай,  сәрсенбі,  наурыздың 17-сі күні кешке      Алматы-Екатеринбор  тас жолының  учаскесінде,  Сарышаған  кентінің  маңында      қызылсу  жүріп өткен  болатын.    Жедел қабылданған шаралардың арқасында    жол төсемін   және  Сарышағандағы тұрғын үйлерді   су  басып қалу қаупінің алды  алынды.  Бірақ,  Алматы-Екатеринбор тас жолының   499-шы  шақырымында      біраз  жердің   жол  төсемін  су   шайып кетіп,      ұзындығы 11 метрдей  шұңқыр пайда болған  еді.