АСТАНА. Наурыздың 19-ы. ҚазАқпарат - Қарағанды облысы Ұлытау ауданында күшті желдің салдарынан жарықсыз қалған 6 мың абоненттің электр желілері толығымен қалпына келтірілді,

 деп хабарлады ҚР ТЖМ-ның баспасөз қызметінен.

Наурыздың өткен 17-сі күні түскі сағат 12 шамасында секундына 25-28 метр жылдамдықпен дауылдап соққан жел 110 киловатты жоғары қуатты желінің екі діңгегін құлатып, оның салдарынан Ұлытау, Сарлық, Қорғасын, Сарытоған, Егінді, Алғабас және Қаракеңгір елді-мекендерінің 6 мыңға жуық абоненті жарықсыз қалғаны хабарланған болатын.

Осы күні сағат 17.10-да жөндеу-қалпына келтіру жұмыстары толығымен аяқталып, тұтынушылар энергия көзіне қосылды. Төтенше жағдайды жоюмен «Жезқазған энергия тарату компаниясы» АҚ айналысты.