Оған    Испанияда тіркелген    52  шетелдік дипломатиялық  миссия қатысты,   олардың  қатарында Қазақстан    Республикасының  елшілігі  де  бар,  деп  хабарлады  сыртқы саясат  ведомствосының баспасөз   қызметінен.

 Көрмедегі  қазақстандық стендке   келушілер   қолданбалы өнер туындыларына,    ұлттық  киім   үлгілері мен   киізден,  теріден,  ағаштан жасалған  қолөнер  туындыларына   қызығушылық танытты.    Сондай-ақ  қазақстандық стенд  ұлттық дәм түрлері    қойылған бай  дастархан  жайды. 

 Отандық дипломаттар    жәрмеңке   аясында   қазіргі  заманғы Қазақстанға  арналған  фотокөрме де  ұйымдастырды.  

 Қазақстандық стендке  ат басын тіреген  София Патшайым   онда  қойылған  барлық  туындыларымен  егжей-тегжейлі танысты.  Қазақстан  Елшісі Ерғали  Бөлегеновпен    болған  әңгімесінде,  Патшайым,    қазақстандық  тараптың  көрмеге  жоғары деңгейде атсалысып отырғанын  атап көрсетті   және  белсенділігі  үшін  өз алғысын білдірді. 

 «Кермес»  жәрмеңкесі  жыл сайын өтеді  және одан түскен     қаржы     София  Патшайымның     Қайырымдылық қорына беріледі.  Биыл түскен  қаражаттың    біраз бөлігі    Гаити мен  Чилидегі  зілзала құрбандарына көмекке   аударылмақ.