деп хабарлайды ҚазАқпарат тілшісі.

 Қалалық мәдениет және тілдерді дамыту бөлімінің бастығы Айгүл Сәбитованың айтуынша, қазірдің өзінде білім ошақтарында, мәдениет орындарында, спорт кешендерінде мерекелік іс-шаралар қолға алынып, көпшілік сипат алуда.Жоғары және арнаулы оқу орындарында «Наурыз думаны» тақырыптық кештер, зағиптар қоғамында « Наурыз келе жатыр, күмбірлесін домбыра, тартылсын қобыз» театрландырылған қойылым, кітапханаларда «Ғасырдан жеткен құт береке» тарихи шолу кездесу, «Көкшетау», «Көкше» мәдениет үйлерінде «Нұр себеле, ұлыстың ұлы күні» ойын-сауық кештері, мектеп жасына дейінгі мекемелерде «Ұлыстың ұлы күні наурыз» мерекелік қойылымдар белгіленген. «Юбилейный» спорт кешенінде, Шоқан Уәлиханов атындағы Көкшетау мемлекеттік университетінің спорт залында, аулалық спорт алаңдарында спорттық сайыстар өткізілмек. Наурыз мейрамы күні облыс орталығындағы «Тәуелсіздік» алаңында «Жаңа күннің жаршысы» театрландырылған қойылым, қолданбалы өнер туындыларының көрмесі, мерекелік концерт өткізілетін болады.