КӨКШЕТАУ. Наурыздың 19-ы. ҚазАқпарат /Жанмұрат Жанайдаров/ -Ақмола облысының экономикасына ағымдағы жылдың қаңтар-ақпан айында бес миллиард теңге төңірегінде инвестиция тартылды,

бұл өткен жылдың сәйкес мерзімімен салыстырғанда 26,6 пайызға төмен, деп хабарлайды ҚазАқпарат тілшісі облыстық статистика департаментінің деректеріне сілтеме жасап.

 Осы уақыт аралығында қарастырылған қаржының 58,7 пайызы кәсіпорындар мен жекелей құрылыс жүргізушілер үлесіне тиесілі .Сонымен бірге 28,5 пайызы - республикалық бюджеттен, 2,7 пайызы - жергілікті бюджеттен, 10,1 пайызы қаржыландырудың басқа көздерінен тартылған. Бұл ретте өткен жылмен салыстырғанда инвестицияның өсімі Көкшетау қаласында - 4,4 есеге, Есіл ауданында - 6,3 есеге, Зерендіде - 5,4 есеге, Астраханда - 4,1 есеге артса, Аршалы ауданында 13 пайызға тең. Инвесторлар қаржысы негізінен балық, орман және ауыл шаруашылықтарын, көлік пен қойма саласын дамытуға бағыттаған.