ПЕТРОПАВЛ.   Наурыздың   18-і. ҚазАқпарат   /Сергей Кузнецов/ -    Солтүстікқазақстандық  350   оқушы     Қазақтың Әл-Фараби  атындағы  ұлттық университетінің  білім грантынан үмітті. 

Осы  мақсатта   олар    13 пән бойынша  тест сынағы өткен  «Әл-Фараби-2010»    олимпиадасына  қатысты.

Олимпиада  Солтүстік  Қазақстан   облысының   Кадрлар біліктілігін арттыру және қайта даярлау институтының  қолдауымен    өткізілді.  Бұл тест  сынағында  жоғары   ұпай  жинаған  оқушылар    университетке  оқуға түсу  үшін гранттар алуда   басымдыққа  ие болады.   Сонымен бірге,  олардың   Ұлттық бірыңғай тестілеуде   алған  бағалары да ескерілетін  болады. 

«Әл-Фараби-2010»    олимпиадасына    қатысуға Дарынды  балаларға арналған    Әбу Досмұхамбетов атындағы  мамандандырылған    мектеп-интернатының,   ЛОРД  мектеп-лицейінің,    Петропавл  қаласы  мен  облыстың екі  ауданындағы бірқатар мектептердің     оқушылары ниет білдірді.

 Былтыр алғаш рет өткізілген  жылғы көрсеткішпен салыстырғанда, биыл   Әл-Фараби   атындағы   ұлттық университеттің  грантынан үміттілердің саны 3 есеге артып отыр,     2009 жылы олимпиадаға  150-ге жуық  солтүстікқазақстандық  оқушы қатысқан болатын.