АТЫРАУ.  Наурыздың 18-і.  ҚазАқпарат /Андрей Соколов/ - Алматы  облысының Ақсу ауданында су тасқынынан   зардап шеккендерге атыраулықтар  жинаған  250 миллион  теңге  қаржыға қоса,     облыс    тағы қосымша көмек көрсетпек.

Атырау облысы әкімінің  орынбасары    Болат  Дәукенов  баспасөз брифингінде мәлім еткендей,     жергілікті өкімет   мұнай өңдеуші зауытпен  келісімге  қол жеткізді  және     су тасқынынан  зардап шеккен  ауданға      5 цистерна  жанар-жағармай   жөнелтілді. 

«Егер  қажет болып  жатса,   біз   тағы отын  жіберуге   әзірміз»,  деп  мәлім етті Б.Дәукенов  өз сөзінде.