ШЫМКЕНТ.  Наурыздың  18-і. ҚазАқпарат /Татьяна Пылаева/ -   Бүгін Шымкентте, Оңтүстік Қазақстан   облысына  жасаған  сапарын қорытындылай  келе,   Елбасы  Нұрсұлтан  Назарбаев, кеше Өзбекстанға жасаған сапарын    табысты  өтті  деп бағалады. 

Бұдан бұрын хабарланғанындай,     Өзбекстан  Президенті   Ислам Кәрімовпен болған  кездесудің барысында  су-энергетикалық ынтымақтастығы мәселесі  талқыланған  болатын.

«Өзбекстан  мен Қазақстан   өте  жақын көршілер  болып  табылады. Және   біз      өзара сенімді    және  тату көршілік  қарым-қатынас  орнатуымыз  керек.   Өзбекстанмен    жүзден астам халықаралық  келісім  жасалған,    достық және  ынтымақтастық  туралы,    мәңгілік  достық туралы    шарттар    бар.    Менің сапарым  табысты    болды.     Барлық көрші мемлекеттер,   мен бірінші кезекте  Өзбекстан  мен Қырғызстанды  айтып отырмын, сондай-ақ Тәжікстан   -    бізге    жақын халықтар,     біз     олармен бірге бір су  көзіне тәуелдіміз.  Сондықтан келісу,  бұл мәселелерді   бейбіт  жағдайда     келісу,  тұрақтылықы сақтау керек.    Өзбек тарабымен  арадағы өзара  іс-қимылдардың арқасында  осы мәселелерді сәтті  шешіп отырмыз»,    деді Н.Назарбаев өз сөзінде.