деп  хабарлады   Көлік және коммуникация министрлігінің  баспасөз қызметінен.

Сарыөзек-Үштөбе-Матай учаскесі  қалпына келтірілгенше,  Алматы  облысында   №22/21 «Кызылорда - Семей», «№351 «Алматы - Защита», №31/32 «Павлодар - Алматы», № 301/302 «Алматы-2 - Новосібір», №13/14 «Алматы - Үрімші» бағыттарындағы   жолаушылар   пойыздарының   қозғалыстары шектелді.

Халықаралық қатынастағы № 326 «Алматы - Новосібір,  №385 «Новосібір - Алматы-2», №386 «Бішкек - Новосібір»  жолаушылар пойыздарының  қозғалысы  уақытша     Шу  және Мойынты стансалары арқылы   өтуде. 

Теміржолдың  бойында      мол   қызылсудың   жиналып қалуы салдарынан  бүгін  түнде,  сағат  03.-00-тен бастап  Қарағанды  облысында   Көкдомбақ-Балқаш-1 учаскесіндегі пойыздардың  қозғалысы   тоқтатылған  болатын.  Оқиға орнында   арнайы  бригада   түні бойы жұмыс істеді  және   таңғы сағат 6-дан бастап   бұл  учаскеде  тек  жолаушылар  пойыздары үшін ғана қозғалыс ашылды.

Ал сәрсенбі,  наурыздың 17-сі  күні   сағат  20.53-терде     «Сарышаған-Науалы»   аралығында теміржол  қозғалысы   жабылды.   Қызылсуды   бұру  жұмыстарынан кейін   судың   беті  қайтты,  бүгін    таңертең сағат  9-да   барлық бағыт бойынша қозғалыс қайта жанданды. 13 жолаушылар пойызы  30 минуттан  3 сағатқа дейін аралықта  кешігіп келе  жатыр.