ШЫМКЕНТ.  Наурыздың  18-і.   ҚазАқпарат  /Татьяна Пылаева/ -   Оңтүстік  Қазақстан  облысында  жұмыс сапарымен  жүрген Елбасы  Нұрсұлтан Назарбаев     Көксарай   су тоспасының ашылу  рәсіміне  қатысты. 

Көксарай -   Арыс ауданында,  Сырдария өзенінде   салынған  су   қоймасы. 

«Бізде    енді Көксарай бар, бұл жақсы  іс.   Енді Қызылорда су тасқынынан  қорғалып  отыр.  Жыл сайын  біз      бөгеттер салуға,    судан зардап шеккен үйлерді қалпына келтіруге    қомақты   қаржы  жұмсайтынбыз.    Көксарай       қазірдің өзінде мол  су  қабылдап  жатыр  және  бұл игі іс бізге  Сырдарияның  төмен  жағындағы су тасқынының алдын  алуға мүмкіндік беріп  отыр», - деп  атап көрсетті Елбасы  өз сөзінде.